fbpx

MARRIAGE

GLOSSARY ROMAN

د

دودھ پلائی:

شادی کے موقع پر دلہن کی بہنیں دولہا کو سجے ہوئے گلاس میں دودھ پیش کرتی ہیں اور اس کے عوض رقم کا تقاضا کرتی ہیں ۔۔ پاکستان اور بھارت میں شادی کی یہ رسم بہت مقبول ہے۔ 

ڈھول/ ڈھولک:

لڑکے اور لڑکی دونوں کی شادی پر بہن بھائی اور دوست مل کر ڈھولک بجاتے ہیں اور ڈھول کی ٹھاپ پر رقص کر کے اپنی خوشی کا اظہار کرتے ہیں۔ 

ذ

ذات برادری:

 ایک ہی خاندان، قبیلہ یا قوم کے افراد ۔۔ مشرقی ممالک میں شادی بیاہ کے لئے اپنی ہی ذات برادری کو ترجیح دی جاتی ہے۔ 

ر

رخصتی

یہ شادی کے بعد دلہن کو دلہا کے ساتھ وداع کرنے کی رسم ہے۔۔ جس میں قران پاک کے سائے تلے دلہن کودلہا کے ساتھ اس کے گھر رخصت کیا جاتا ہے۔ دلہن کی رخصتی پربزرگ خواتین رخصتی کے گیت بھی گاتی ہیں۔

ڑ

ڑبھیڑ:

افراد کا مجمع یا انبوہ ۔۔ جو شادی اور تقریبات میں اکثر دیکھنے کو ملتا ہے۔ 

ز

زیورات: 

دلہن کی تزئین اور جسمانی سجاوٹ کے لئے زیب و زینت کی اشیاء ۔۔ جواہرات اور سونے چاندی جیسے ہار، چوڑیاں، بالیاں، پازیب وغیرہ ۔۔ آج کل پھولوں کے زیور بھی عام ہیں۔ 

ژ

ژال:

 بیوی کے لئے ژال کا لفظ بھی استعمال کیا جاتا ہے۔ اس کی اصل فارسی ہے۔

س

سہرا

مقیش، چاندی سونے کے تاروں ، موتیوں یا پھولوں کی لڑیاں، جو شادی  کے دن دُلہا دلہن کے سر پر باندھا جاتا ہے ۔ جس سے چہرہ ڈھک جاتا ہے۔ 

سہاگ اور گھوڑیاں:

یہ ایک قسم کے گیت ہوتے ہیں جو شادی سے کچھ روز پہلے دولہا دلہن کے گھروں میں ہم عمر لـڑکیاں اور جوان عورتیں آپس میں مل کر گاتی ہیں۔

ش

شیروانی:

جدید وضع قطع کی کالر دار اچکن۔ جو پہلے وقتوں میں بادشاہ اور امراء زیب تن کیا کرتے تھے۔ آج کل شادیوں میں دلہا پہننا پسند کرتے ہیں۔

شہنائی:

یہ ایک مخصوص ساز ہے جو شادی بیاہ کے موقع پر بجایا جاتا ہے۔ ہندوستان میں خاص کرشہنائی کی آواز نیک شگون سمجھی جاتی ہے۔ 

ص

صدبرگ:

 بہت سی پنکھڑیوں والا پھول جیسے گیندا ۔۔ جو شادی بیاہ پر مایوں اور مہندی کی تقاریب میں سجاوٹ کے لئے استعمال ہوتا ہے۔