fbpx

انٹرنیٹ اور ٹیکنالوجی کی ترقی جہاں دوسرے بہت سے شعبوں میں تبدیلیاں لائی ہے۔ خریداری، تعلیم اور دفتری کاموں کا طریقہ کار تبدیل ہوا ہے۔ خاص کر کرونا کی وجہ سے پچھلے کچھ عرصے سےصارفین نے اپنے وقت کا بڑا حصہ کمپیوٹر سکرین اور موبائل جبکہ آمدنی کا زیادہ تر حصہ انٹر نیٹ پر خریداری میں صرف کیا ہے۔ وہیں آن لائن رشتوں کے ادارے یا ویب سائٹس کی مقبولیت میں بھی اضافہ دیکھنے میں آیا ہے۔ لیکن کیا وجہ ہے کہ جب ان لائن رشتوں کی بات آتی ہے تو لوگ پیچھے ہٹ جاتے ہیں؟ کسی ادارے کے بارے میں جانے یا تحقیق کئے بغیر، ان کی خدمات اور سہولیات کا تجربہ کیے بغیر، سنی سنائے باتوں پر ایمان لا کر ان کے بارے میں منفی باتیں اور تبصرے کرنے لگتے ہیں۔ حالانکہ آن لائن شادی کی جتنی ویب سائٹس ہیں ان میں بیشتر کا کام صاف اور شفاف طریقے سے ہوتا ہے۔ ضرورت صرف اس بات کی ہے کہ آپ کا رابطہ کسی قابل اعتماد ادارے سے ہو۔ ذرا سی تحقیق اور سمجھداری آپ کو ایک دھوکہ باز اور قابل اعتماد ادارے میں فرق بتا سکتی ہے۔ آپ کو صرف چند ایک باتوں کا دھیان رکھنا ہو گا جو درج ذیل ہیں۔

کسی بھی ادارے سے رابطہ کرنے سے پہلے آپ ان کی ویب سائٹ اور سوشل میڈیا پر موجود ان کے اکاؤنٹس چیک کریں۔ یہ دیکھیں کہ ان کے کتنے فالوورز ہیں۔ اگرچہ فالوورز کی تعداد میں اضافہ کسی ادارے کے مستند ہونے کا ثبوت نہیں لیکن انٹرنیٹ کی ترقی کی بدولت اب عوام بھیڑ چال کا شکار نہیں ہوتی۔ وہ اسی چیز پر اعتماد کرتے ہیں جس کا تجربہ کر چکے ہوں۔ کہیں پر بھی رجسٹریشن اور رشتہ کی بات آگے بڑھانے سے پہلے متعلقہ ویب سائٹ اور ادارے کے بارے میں جاننا نہایت اہم ہے۔ اگر یہ ادارہ معروف ہے یا مالکان کو آپ یا آپ کے دوست احباب میں سے کوئی ذاتی طور پر جانتا ہے تو دھوکہ دہی کے امکانات کم ہو جاتے ہیں۔ تاہم اگر یہ کوئی غیر معروف ویب سائٹ یا ادارہ ہے تو آپ کو محتاط رہنا ہو گا۔

کسی بھی ادارے سے رابطہ کرنے سے پہلے یہ جان لیں کہ وہ کہیں کسی مشہور ادارے کا نام تو استعمال نہیں کر رہے۔ بعض اوقات ادارے دوسروں کی شہرت اور نام سے فائدہ اٹھاتے ہیں۔ لیکن ذرا سی تحقیق سے اصل اور نقل کا پتا چلایا جا سکتا ہے۔

قابل اعتماد ادارے ہمیشہ اپنے تعارف کے ساتھ رابطہ نمبر، ای میل ایڈریس یا بعض اوقات دفتری پتا بھی لکھتے ہیں۔ اس کے علاوہ ان کی ویب سائٹ پر موجود عمومی سوالات، رازداری کی پالیسی، قواعد و ضوابط ان کے اصل اور قابل بھروسہ ہونے کی نشانی ہیں۔

کسی ادارے کے بارے میں جاننے کے لئے آپ ان کے فراہم کردہ نمبروں پر کال کر کے یا بذات خود دفتر کا دورہ کر کے ان کی انتظامیہ سے رابطہ کر سکتے ہیں۔ اور اپنی تسلی کی خاطر ان سے وہ تمام سوالات کر سکتے ہیں جن کے متعلق آپ کو ابہام ہے۔ یا جن کے بارے میں ویب سائٹ پر کوئی نشاندہی نہیں کی گئی۔

کسی بھی ویب سائٹ یا ادارے کے ساتھ رجسٹریشن کروانے سے پہلے ان کی ساکھ کے بارے میں دوسرے افراد کے تبصرے پڑھ لیں۔ یہ تبصرے وہ افراد کرتے ہیں جن کا متعلقہ ادارے کے ساتھ اچھا یا برا تجربہ رہا ہو۔ منفی یا مثبت کسی قسم کے تبصروں کی عدم دستیابی بھی کسی ادارے کے ناقابل اعتبار ہونے کی طرف اشارہ کرتی ہے۔ اس کے علاوہ اگر کسی غیر معروف ادارے کی ویب سائٹ یا سوشل میڈیا اکاؤنٹس پر صرف مثبت تبصرے موجود ہوں تو یہ بھی اس کمپنی کو مشکوک بناتا ہے۔

اگر کوئی ادارہ آپ کو مکمل یا تفصیلی معلومات فراہم کئے بغیر محض رجسٹریشن پر زور دیتا رہے، یا آپ سے غیر ضروری، نجی یا بنک کی معلومات کا مطالبہ کرے تو آپ ایسے ادارے سے محتاط رہیں۔

اگر کوئی ادارہ مفت میں رشتے کروانے کا دعوے دار ہے اور آپ کو رجسٹریشن پر مجبور کرتا ہے تب بھی آپ کو محتاط رہنے کی ضرورت ہے کیونکہ قابل بھروسہ ادارے اور پروفیشنل لوگ کبھی بھی اچھی خدمات مفت فراہم نہیں کرتے۔ اور اس میں کوئی معیوب بات بھی نہیں۔ ایک ادارہ آپ کے لئے اچھے رشتے کی تلاش میں اپنی توانائی، رقم اور وقت صرف کرتا ہے۔ ایسی صورت میں معاوضہ لینا اس ادارے کا حق ہے۔ جو ادارے یا ویب سائٹس آپ کو مفت رشتوں کی یقین دہانی کرواتی ہیں ۔ وہ کسی نہ کسی موڑ پر آ کر پیسوں کا مطالبہ ضرور کرتے ہیں یا پھر رشتوں کے سلسلے میں دھوکہ دہی یا لاپرواہی کا عنصر ضرور شامل ہو گا۔

سمپل رشتہ ایک ایسا ادارہ ہے جو والدین اور امیدواروں کو ان کی  ترجیحات پر مبنی رشتے دکھانے کا کام تسلی بخش انداز میں کر رہا ہے۔ اگرچہ رشتوں کی تلاش کرنے والا یہ کوئی واحد ادارہ نہیں۔ بہت سے ادارے پہلے بھی اس سلسلے میں کام کر رہے ہیں لیکن تصدیق شدہ رشتوں کا وسیع ذخیرہ، ذمہ دار اور پر اعتماد عملہ اور سب سے بڑھ کر خلوص اور دیانتداری جیسی خصوصیات اس ادارے کودوسروں سے منفرد بناتی ہیں۔